PINAKAMAGANDANG LIHIM

Itong aking lihim ay singtagal na ng aking buhay

Ngunit kung kalian ibubunyag ay hindi ko nalalaman

Pilit itong ikinukubli sa takot na ikaw sa akin ay mawalay

Sa aking mundo ikaw lamang wala itong pagaalinlangan

Akin ng kinagisnan ang pag-ibig ditto sa aking puso

Walang araw na hindi ka sumagi sa isip ko

Ang bawat tagumpay inaalay ko lamang sa iyo

Ang hinaharap ay puno ng pag-asa kung magkakasama tayo

Darating ang araw malalaman mo ang pinakamagandang lihim

Ang lihim na naging inspirasyon ng bawat tagumpay at adhikain

Ang lihim ay ang katotohanang magpakailanman kita’y mamahalin

Ang takot kong sa iyo’y mabigo ay mawawala kung ako din sana’y iyong iibigin            

Sana

Mahal kita, sana mahal mo rin ako

Pag nangako ka, sana hindi mapapako

Sana kahit konti ako ay bigyan mo ng halaga

Nanga ako ay hindi nagmumukhang tanga

Sana ako ang babaing hinahanap mo

Nang ‘di ka mapagod at magpakalayo-layo

Sana ako rin ay iniibig mo

Nang madama ang ligayang dulot mo

Sana sabihin mong mahal mo ako

Nang masabi ko din ang damdamin ko

Ang halik at yakap mo ay aking pinapangarap

Na sana’y makamtam sa hinaharap

Sana lahat ng ito ay magkatotoo

Kung ako lang sana ay mahal mo

-          Mimi,  June 24, 1994

Kami ay isinilang sa napakagulong mundo

Nagisnan ang mga taong lito

Pinalaki kami ng maayos

Maski na ang buhay naming ay wala sa ayos

Hiwalay si Ina at si Ama

Ngunit kami ay di lumaki sa masama

Kami ay lumaki sa isang may ginintuang puso

Na nagmahal sa amin ng taos puso

Kami man ay mga musmos

Nagtataka pa rin sa kanilang ikinikilos

Bakit si ama ay di nakikita

Puro sulat na lang ba an gaming mahihita?

At si ina naman ay nasaan?

Nawalan tuloy kami ng ilaw ng tahanan

At dahil kami ay mga bata

An gaming isipan ay hindi pa makaunawa

Lumaking masama ang loob sa maraming bagay

Lumaki ring walang magulang na umaalalay

Oo nga at kami ay minahal ng mga taong sa amin ay nagalaga

Ngunit iyon ay di sapat

Sapagkat ang hanap ng puso’y si Inangkatapat

Ngayon kami ba ay masisisi?

Kung kami ay walang tiwala sa sarili?

Al naming na hindi iyon maganda

Ngunit alam naming kami ay naiiba

Buti na lang aking natagpuan

Isang matapat na kaibigan

Itinuro niya sa akin ang magagandang bagay

Na sa aking puso ay nagbibigay buhay

Sa puso pala ay di dapat manaig ang galit sa ating kapwa

Tayo ay dapat na maging matatag

At hindi puro iwas at ilag

Sa mga hilahil at hirap na dinaranas

Maraming bagay pa akon naatutunan

upang ang atin buhay ay maiayos naman

At maiwasan magkaroon ng magulong buhay

Ito sana sa atin ay maging gabay.

                -Halli, January 27, 1994

Nilimot mo na ba

Noon lagi tayong magkasama

Walang pakialam sa iba

Lagi tayong Masaya

At magkatulungan pa tayong dalawa

Ngunit lumipas na iyon

Isang alaala na lamang

Ngunit alaala na nga lamang ay nilimot mo pa

Nasaan na ang mga pangako mo?

Nasaan na ang mga salitang ako ay iyong kayamanan?

Tinawag mo pa akong pinakamamahal mong kaibigan?

Ngunit ikaw ba ay nasaan?

Nilimot nab a ang kasiyahang ating pinagsaluhan?

Ang ganda na ating pinagsamahan?

Nilimot mo na ba?

                -Sha, September 16, 1993

Makakagawa ka ng Kaibahan

Lahat tayo ay kailangang umintindi

Kailangan nating mailigtas an gating tinubuang lupa

Kailangan nating maging mautak sa paggawa nga ting responsibilidad

Iligtas natin an gating mga puno

At ang masarap na simoy ng hangin

Huwag tayong magtapon ng basura sa karagatan

Halika na!

Kailangan na nating kumilos

Huwag tayong magkalat

Upang an gating bukas ay maging maganda at kapaki-pakinabang

Makakagawa tayo ng kaibahan

-Sha, 1992-1993

Pag-ibig kong walang katugon

O kaysarap pagmasdan ng maamo mong mukha

Ako ay nabighani sa ngiti mong kaysigla

Mga sulyap na kaagad ko ring binabawi

Nangangambang ako’y agad mong mahuli

Ako’y nangangarap na pagtuunan mo ng pansin

Ngunit ako ay malayo sa iyong paningin

Kung kaya’t ako ay nasasaktan ng lihim

Masaklap ang karanasan kong ito sa iyo

At dahil doon ayoko ko ng mangarap pang muli

Pilit ko na lamang lilimutin ang pag-iig na itong walang katugon

                -Sha, September 16, 1993

Pag-ibig ba o Pag-hanga lang

Lagi akong dinadaya ng puso kong mapaglaro

Akala ko’y totoo ngunit minsan ay naglalaho ang damdaming ito

Ngunit ngayon mukhang ako’y bininirong muli ng aking nalilitong puso

Lito nanaman ang puso at isipan ko

Saan man ako naroon

Saan man ako tumingin

Ipikit ko man ang aking mga mata

Siya pa rin ang aking nakikita

O puso kong madaya

Bakita ako pinaglalaruan?

At bakit ngayong ako’y bata pa

Nakipagkasundo ka bas a mapagbirong tadhana?

O ano ba ito pag-ibig nab a o paghanga lang?

Ako man ay hindi ko alam,

Nang dahil kay kupidong puso ko’y pinana ng di man lang nagpaalam

Datapwat ako pa rin ay nagpapasalamat

Sapagkat ako naging Ganado sa aking mga trabaho

Hindi ko man alam ang aking nadarama

Ako pa rin ay Masaya sa buhay kong masagana

                -Sha, September 16, 1993